Is-Servizz Nazzjonali ta’ Sapport lill-Iskejjel (NSSS) twaqqaf fl-2009, wara rakkomandazzjonijiet mill-Inclusive and Special Education Review (MEDE, 2005). Skont l-Istrateġija Nazzjonali tal-Edukazzjoni 2024 – 2030, l-NSSS għadda minn ristrutturar li wassal għall-ħolqien ta’ żewġ Direttorati distinti, wieħed minnhom huwa d-Direttorat tas-Servizzi għat-Tisħiħ tal-Istudenti. Dan id-Direttorat huwa intiż li jissapportja lill-istudenti, liż-żgħażagħ u lill-familji tagħhom permezz ta’ għażla komprensiva ta’ servizzi psiko-soċjali. Dawn is-servizzi jinkludu dawk tal-counselling u l-psikoterapija, is-Servizz għall-Protezzjoni tat-Tfal, is-Servizz kontra l-Ibbuljar, is-Servizz kontra l-Abbuż ta’ Sustanzi, u s-Servizz Għożża.