Intervent Bikri - The Department

Stqarrija tal-Missjoni

Is-Servizz għal Intervent Bikri jipprovdi sistema ta’ sapport komprensiv u ċċentrat fuq il-familja għal tfal b’diżabbiltajiet jew dewmien fl-iżvilupp fl-ewwel ħames snin (0-5) tal-ħajja. Il-prinċipju huwa li jiġi minimizzat id-dewmien u jiġu mmassimizzati ċ-ċansijiet li jintlaħqu stadji ewlenin tipiċi fl-iżvilupp. Jappoġġa u jimplimenta wkoll proċeduri ta’ valutazzjoni biex tiżdied l-identifikazzjoni bikrija tad-diffikultajiet u jipprovdu sapport lill-familja kmieni kemm jista’ jkun.

Objettivi tas-Servizz

Is-Servizz għal Intervent Bikri għandu l-mira li:

Itejjeb u jissapportja l-ħiliet ta’ tfal żgħar fl-oqsma ta’ żvilupp li ġejjin: Ħiliet Fiżiċi (motorji kbar u fini), Komunikazzjoni u Lingwa, Żvilupp tal-Awtokura Essenzjali, Soċjali u Emozzjonali, Konjittivi (raġunament, soluzzjoni ta’ problemi, memorja u attenzjoni), ta’ qabel in-numeriżmu u qabel il-litteriżmu;
Jimminimizza l-impatt tad-diffikultajiet u d-dewmien fl-iżvilupp;
Jikkomunika u jikkollabora f’timijiet multidixxiplinari biex jiżgura l-identifikazzjoni bikrija tat-tfal li huma f’riskju;
Jikkontribwixxu għal Pjanijiet ta’ Servizz għall-Familji Individwali (IFSPs) u jagħti s-setgħa lill-familji permezz ta’ sħubija biex jiġi massimizzat il-potenzjal ta’ kull tifel u tifla individwali;
Itejjeb l-ambjenti tal-apprendiment għat-tfal billi jipprovdi sapport f’settings bikrija tat-tfal biex jinħolqu ambjenti ta’ apprendiment inklużivi;
Jippromwovi l-inklużjoni soċjali tat-tfal flimkien mal-familja u l-involviment tagħhom f’sistemi bbażati fil-komunità/ Dan jinvolvi l-bini ta’ fiduċja bejn il-familji u fornituri tas-servizz. Il-familji jiġu ggwidati dwar kif jinnavigaw is-servizzi u s-sistemi eżistenti; u
Jinvolvi ruħu f’inizjattivi li għadhom għaddejjin tal-Iżvilupp Professjonali sabiex jittejbu l-ħiliet tal-membri tat-Tim tal-Intervent Bikri.

Servizzi Offruti

Evalwazzjoni dejjem għaddejja u Intervent fl-ambjent naturali tat-tfal; programmi għal tfal ta’ bejn 0-3 snin fid-djar/Ċentri tal-Kura tat-Tfal, sapport fil-klassi għat-tfal fil-Kinder.
Identifikazzjoni bikrija ta’ tfal li huma “f’riskju” permezz tal-Programm ‘Lenti’ u l-Unità tal-Valutazzjoni tal-Iżvilupp tat-Tfal (CDAU).
Attendenza f’konferenzi ta’ każijiet ta’ tfal li jkunu għaddejjin b’valutazzjoni fis-CDAU u jipprovdi rapport dwar l-edukazzjoni.
Evalwazzjoni dejjem għaddejja u intervent fl-ambjent naturali tat-tfal: fid-djar u fiċ-Ċentri tal-Kura tat-Tfal għal tfal ta’ bejn 0-3 snin u sapport fil-klassi għat-tfal fil-Kinder 1 u 2.
Sapport u pariri lill-ġenituri u l-edukaturi fiċ-Ċentri tal-Kura tat-Tfal u l-iskejjel fl-ippjanar u l-applikazzjoni ta’ programm edukattiv li huwa mfassal għall-ħtiġijiet individwali tat-tfal.
Appoġġ fl-iżvilupp ta’ Tiswir ta’ Pjanijiet ta’ Azzjoni (MAPs) u l-iżvilupp u l-implimentazzjoni ta’ Pjanijiet Edukattivi Individwali (IEPs) fl-iskejjel.
Sapport fit-tranżizzjonijiet bejn id-dar u ċ-Ċentri tal-Kura tat-Tfal, bejn iċ-Ċentri tal-Kura tat-Tfal u l-Kindergarten, u bejn il-Kindergarten u l-1 Sena.
Workshops għall-ġenituri/tuturi legali, biex jipprovdilhom l-istrateġiji prattiċi biex l-iżvilupp ta’ wliedhom jittejjeb aktar. Dawn is-sessjonijiet jgħinu wkoll biex jiżdied l-għarfien tal-ġenituri dwar il-benefiċċji ta’ intervent bikri.
Jipprovdi lit-tfal b’diversi opportunitajiet ta’ apprendiment permezz tal-organizzazzjoni ta’ varji attivitajiet fi grupp.
Provvediment ta’ sapport u taħriġ għall-edukaturi tas-Snin Bikrija bħala żvilupp professjonali kontinwu.

Eliġibbiltà għas-Servizz

It-tfal huma eliġibbli għas-servizz ta’ Intervent Bikri jekk għandhom bejn 0-5 snin u hemm indikazzjoni ta’:

Dewmien fl-iżvilupp f’żewġ oqsma jew aktar tal-iżvilupp (Fiżiku, Komunikazzjoni u Lingwa, Awtokura, Soċjali u Emozzjonali, u Konjittiv).
Kundizzjoni b’dijanjosi li għandha probabbiltà għolja li tirriżulta f’diffikultajiet tal-iżvilupp eż., Spina Bifida, Disturb tal-Ispettru tal-Awtiżmu.

Min jista’ jirreferi lit-tfal għas-Servizz għal Intervent Bikri?

Is-Servizz għal Intervent Bikri għandu sistema ta’ riferiment miftuħa, jiġifieri, ġenituri/tuturi legali, edukaturi minn Ċentri tal-Kura tat-Tfal u skejjel, u professjonisti jistgħu jirreferu tfal lis-Servizz għal Intervent Bikri, sakemm jissodisfaw il-kriterji ta’ hawn fuq.

Formola ta’ Referenza (MT)